Unalipia tu unachotuma. Credit moja inatuma SMS moja ya hadi herufi 160 kwa simu moja. Kiswahili na Kiingereza bei ni ileile. Vifurushi na bei viko kwenye ukurasa wa Billing na kwenye sehemu ya bei ya ukurasa wetu wa mwanzo.
Ongeza salio kwa pesa za simu
- Fungua Billing kwenye menyu.
- Chagua kifurushi, au andika idadi ya credit unazotaka (number of credits).
- Weka namba ya pesa za simu itakayolipa (mobile money number).
- Ujumbe wa malipo utatokea kwenye simu hiyo. Angalia kiasi, weka PIN yako ya pesa za simu kisha thibitisha.
- Credit zako zinaingia ndani ya sekunde chache. Utaziona kwenye salio lako na chini ya Recent transactions.
Una kuponi? Iandike kwenye kisanduku cha Coupon code kwenye ukurasa wa Billing kabla ya kulipa.
Kulipa kwa benki
Unaweza pia kulipa kwa benki. Wasiliana na huduma kwa wateja, tutumie uthibitisho wa malipo, na timu yetu itakuwekea credit kwa mkono.
Jinsi credit zinavyotumika
- Ujumbe wa hadi herufi 160 ni credit 1 kwa kila mtu. Ujumbe mrefu zaidi hutumia credit 2 au zaidi.
- Emoji na alama za nukuu zilizopinda (“ ”) hufanya ujumbe uwe mfupi: herufi 70 tu ndizo zinazotosha kwenye SMS moja. Ukurasa wa Send unaonyesha idadi kamili kabla hujabonyeza Send.
- Mtandao ukikataa ujumbe tunapoukabidhi, credit inarudi kwako moja kwa moja.
- Tunakutumia ukumbusho salio lako likipungua.
Kitu kikienda vibaya
| Tatizo | Cha kufanya |
|---|---|
| Ujumbe wa malipo haujatokea kwenye simu yangu | Angalia namba uliyoweka na kwamba simu ina mtandao. Subiri dakika moja kisha ujaribu tena. Unaweza pia kuchagua kifurushi kidogo zaidi. |
| Nimelipa lakini credit hazijaingia | Subiri dakika mbili kisha refresh ukurasa. Halafu angalia chini ya Recent transactions. Kama bado hazipo, wasiliana na huduma kwa wateja ukiwa na namba yako ya simu na ujumbe wa uthibitisho wa pesa za simu. |
| Niliweka PIN isiyo sahihi | Malipo hayafanyiki. Anza kuongeza salio upya. |
Miongozo inayohusiana
Unahitaji msaada?
Timu yetu inajibu siku za kazi, Jumatatu hadi Jumamosi, kuanzia saa 2 asubuhi hadi saa 12 jioni (8:00 hadi 18:00, saa za Afrika Mashariki).
Skrini zinaweza kuonekana tofauti kidogo kwenye simu yako au baada ya sisi kuziboresha. Hatua zinabaki zilezile.