Ukurasa wa Messages unaorodhesha kila ulichotuma: kimeenda kwa nani, maneno yake, saa, hali yake na kama kimefika. Tumia kisanduku cha kutafuta, kichujio cha tarehe na vichujio viwili (All statuses, All deliveries) kumpata mtu, siku au ujumbe ambao haukufika.
Hali (Status): tulichofanya nao
| Hali | Maana |
|---|---|
| Pending | Bado tunautuma. Angalia tena baada ya muda mfupi. |
| Sent | Tumeukabidhi ujumbe kwa mtandao wa simu. |
| Failed | Ujumbe haukukubaliwa. Credit inarudishwa kwenye salio lako. |
Ufikaji (Delivery): je, umefika kwenye simu?
| Ufikaji | Maana |
|---|---|
| Delivered | Mtandao wa simu umethibitisha ujumbe umefika kwenye simu. |
| Not delivered | Mtandao umesema haukuweza kuufikisha, kwa mfano namba ambayo haitumiki tena. |
| Waiting | Umetumwa chini ya saa 3 zilizopita na mtandao bado haujajibu. Angalia tena baadaye. |
| No report | Mtandao haukujibu ndani ya saa 3. Mara nyingi simu ilikuwa imezimwa; inaweza kupata ujumbe itakapowashwa tena. |
Kwa ujumbe uliotumwa kwa watu wengi, safu ya Delivery inaonyesha namba ngapi ziko kwenye kila hali. Ufungue kwa View detail kuona kila namba, kuonyesha zile Not delivered tu, au bonyeza Download CSV kupata orodha nzima kwenye Excel.
Angalia maelezo
Fungua ujumbe kwa View detail kuona maneno yake yote, umetumia sehemu ngapi, umegharimu credit ngapi, ulitumwa saa ngapi na, ukishafika, saa ulipofika kwenye simu.
Miongozo inayohusiana
Unahitaji msaada?
Timu yetu inajibu siku za kazi, Jumatatu hadi Jumamosi, kuanzia saa 2 asubuhi hadi saa 12 jioni (8:00 hadi 18:00, saa za Afrika Mashariki).
Skrini zinaweza kuonekana tofauti kidogo kwenye simu yako au baada ya sisi kuziboresha. Hatua zinabaki zilezile.